په جلال اباد کې د طالبانو ځایي مسوولینو د پنجشنبې په سهار د تورخم دورازې د پرانیستل کیدو خبر ورکړی وو. خو د ننګرهار ولایت له پاره د طالبانو د اطلاعاتو او کلتور ریاست مسئول دویچه ویله ته وویل چې دغه پوله د پرانستل کیدو څو ساعته وروسته د پاکستان له لوري بیا وتړل شوه.
ورته مطلب:طالبانو له پاکستان سره د تورخم دروازه تړلې
تر دې دمخه د جلال آباد ولایت مقام له خوا په خپره شوې خبرپاڼه کې ویل شوي وو چې د تورخم دراوزه نن سهار شاوخوا ۹ بجې د دواړو لوریو د مسافرینو او سوداګرو پر مخ پرانیستل شوې ده.د پولې د تړل کیدو له کبله دواړو لورو ته په زرونو لارۍ بندې پاتې او سوداګر د سخت زیان اوښتو خبره کوي.
د میرویس حاجي زاده، په نوم یو افغان سوداګر چې د پاکستان لوري ته یې په مالونو بار ۲۵ لارۍ ولاړي دي، وایي چې د لارې د پرانیستل کیدو پر سر خبرې رواني دي او تر اوسه کومې نتیجې ته نه دي رسیدلي. پر پوله د ډیر شمیر افغان سوداګرو مالونه پر خرابیدو دي.وسله والو طالبانو د یکشنبې په ورځ د تورخم دروازه چې د پاکستان او افغانستان ترمنځ د مسافرو او سوداګرۍ لویه لار ده، وتړله. پاکستان په دې هکله کومه تبصره نه ده کړې.
ورته مطلب:په تورخم کې په زرونه لارۍ بندې پاتې دي
د تورخم دروازې تر تړلو کېدو وروسته د طالبانو او پاکستاني لوري ترمنځ د نښتي رپوټونه هم خپاره شول.د افغانستان او پاکستان ترمنځ ګډې پولې هر وخت د سیاسي او نظامي کړکیچونو له امله تړل کېږي چې زیاتره وخت له نښتو او بریدونو سره هم مل وي.
له آرشیف څخه یو انځوريز البوم:
-
د نړۍ تر ټولو لوی بندرونه وپيژنئ ـ انځوريز راپور
هامبورګ
دا د آلمان تر ټولو لوی بندر دی. په ۲۰۱۵ م کال کې له دې بندرګاه څخه ۱۳۸ میلیونه ټنه توکي د نړۍ نورو برخو ته استول شوي دي. د اروپا دا تر ټولو دریم لوی بندر په نړیواله کچه په ۱۹ مقام کې ځای لري.
-
د نړۍ تر ټولو لوی بندرونه وپيژنئ ـ انځوريز راپور
اینټورپ
اینټورپ د بلجیم یا بلژیک هیواد تر ټولو لوی بندر دی. دا د اروپا په کچه تر ټولو دویم لوی بندر او په نړیواله کچه په ۱۵ مقام کې ځای لري. تر هیوسټن وروسته د کیمیایي صنعت دویم تر ټولو لوی پارک هم د همدې بندر یوه برخه ده.
-
د نړۍ تر ټولو لوی بندرونه وپيژنئ ـ انځوريز راپور
روتردام
د هالنډ په روتردام ښار کې دا بندر د اروپا تر ټولو لوی او په نړیواله کچه په ۱۲ مقام کې ځای لري. دا بندرګاه ۴۲ کیلومتره اوږدوالی لري. له دې ځایه اکثره کانتینرونه لیري ختیځ، شمالي امریکا او جنوبي امریکا ته استول کیږي.
-
د نړۍ تر ټولو لوی بندرونه وپيژنئ ـ انځوريز راپور
لاس اینجلس/ لانګ بیچ
دا بندر د لاس اینجلس له ډاون ټاون څخه ۳۰ کیلومتره سویل ته پروت دی. د دې ترڅنګ د لانګ بیچ بندر هم دی. د لویو بیړیو د تګ راتګ او توکو له پلوه دا په نړیواله کچه د لویو بندرونو په کتار کې په ۱۰ مقام کې ځای لري.
-
د نړۍ تر ټولو لوی بندرونه وپيژنئ ـ انځوريز راپور
دوبۍ
په دوبۍ کې د جبل علی پورټ په منځني ختیځ کې تر ټولو لوی بندر دی. په ۱۹۷۰ م کال کې د صحرایي ریګ یا شګو د پاسه جوړ شوی دا بندر په نړیواله کچه ۹ تر ټولو لوی بندر دی.
-
د نړۍ تر ټولو لوی بندرونه وپيژنئ ـ انځوريز راپور
ګوانګژو
د چین شپږ بندرونه د نړۍ په لسو لویو بندرونو کې شمیرل کیږي. د ګوانګژو بندر په نړیواله کچه په ۷ مقام کې ځای لري. په ۲۰۱۵م کال کې له دې بندرګاه څخه ۱۷،۵ میلیونه کانتینرونه لیږل شوي دي.
-
د نړۍ تر ټولو لوی بندرونه وپيژنئ ـ انځوريز راپور
بوسان
بوسان د سویلي کوریا تر پلازمېنې سېئول وروسته د دې هیواد تر ټولو دویم لوی ښار او نړیوال تجارتي مرکز دی. په نړیواله کچه دا د نړۍ ۶ مهم بندر دی.
-
د نړۍ تر ټولو لوی بندرونه وپيژنئ ـ انځوريز راپور
هانګ کانګ
هانګ کانګ لا د بریتانیي مستعمره وه چې په جنوبي بحیره کې یې ستراتیژیک ارزښت ټولو ته واضح شوی وو. اوس یي له چین څخه ځانګړی انتظامي حیثیت ترلاسه کړی دی. د ۲۰ میلیونه کانتینرونو له تګ راتګ سره دې بندر په نړیواله کچه پنځم مقام ترلاسه کړی دی.
-
د نړۍ تر ټولو لوی بندرونه وپيژنئ ـ انځوريز راپور
سینګاپور
له ۲۱ میلیونه کانتینرونو سره د سینګاپور بندر د نړۍ د دویم تر ټولو لوی بندر درجه ترلاسه کړې ده. دې بندر ته له تخنیکي پلوه د تر ټولو عصري بندرګاه درجه هم ورکړل شوې ده. د اروپا او سویلي ختیځ آسیا له پاره دا تر ټولو مهم بندر دی.
-
د نړۍ تر ټولو لوی بندرونه وپيژنئ ـ انځوريز راپور
شنګهای
شنګهای د نړۍ تر ټولو لوی او مصروف بندر دی. په ۲۰۱۵م کال کې له دې ځایه ۳۶،۵ میلیونه کانتینرونه استول شوي دي. دا د هامبورګ په پرتله درې برابره زیات دی.
-
د نړۍ تر ټولو لوی بندرونه وپيژنئ ـ انځوريز راپور
عددونه او شمیرې
له ارقامو او شمیرو سره لیوالتیا درلودونکو کسانو له پاره دلته په یوه ګراف کې د نړۍ د ۲۰ لویو بندرونو درجه بندي ښودل شوې ده.