1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An kama masu buga kudin jabu a Spaniya

Fauziyya Dauda
March 3, 2024

Jami'an 'yan sanda a kasashen Spaniya da Italiya da kuma Girka sun kai farmaki kan wata kungiyar miyagu 'yan asalin Pakistan da ke bugawa da kuma rarraba jabun kudade.

https://p.dw.com/p/4d6ub
An kama masu buga kudin jabu a Spaniya
An kama masu buga kudin jabu a SpaniyaHoto: Napoli/Giacomino/ROPI/picture alliance

'Yan sanda sun ce miyagun sun samar da kudaden bogin da ya suka kai kimanin euro miliyan daya a takadar kudi ta euro dari-dari. Rundunar 'yan sandan Spaniya ta ce, za a iya rarraba jabun kudaden a injinan ATM ba tare da an sani ba.

Tuni dai jami'an suka ce sun kama mutum 14 daga biranen Barcelona da kuma Rome ciki har da shugaban kungiyar.

Tun a watan Nuwamban bara ce dai 'yan sanda suka baza komarsu bayan da aka gano jabun kudade na yawo a birnin Barcelona.