Mali ta ce ba martaba dokar jinkirta ficewa daga ECOWAS ba

Kasar Mali ta ce babu wani dalili da zai tilasta mata martaba dokar jinkirta ficewa daga kungiyar raya tattalin arzikin kasashen yammacin Afirka ECOWAS har tsawon shekara da dokokin kungiyar suka tanadar, kuma ta riga ta fice kenan.

Karin bayani:ECOWAS: Burkina Faso ta sanar da ficewa a hukumance

Wannan na cikin sanarwar gwamnatin mulkin sojin kasar, kamar yadda kamfanin dillancin labaran Faransa AFP ya ruwaito a yau Laraba.

karin bayani:Martanin kasashe kan ficewar wasu daga ECOWAS

A ranar 28 ga watan Janairun da ya gabata ne dai kasashen Mali da Burkina Faso da kuma Jamhuriyar Nijar suka sanar da ficewarsu daga ECOWAS, sakamakon fama da takunkuman karya tattalin arziki daga kungiyar a dalilin juyin mulkin sojoji.